Во рамките на Велофест 2010 Скопје – креативен фестивал за велосипеди, се организира работилница за проектирање на велосипедски патеки. Работилницата е организирана од Одржливи иницијативи во партнерство со Архитектонски факултет – Скопје, во соработка со Коалиција за одржлив развој и поддршка од Град Скопје и Амбасадата на Кралството Холандија во Скопје.

 

За време на работилнцата треба да се изработат решенија за велосипедски патеки за три типови на потреби:

-туристички
-рекреативни
-градски

 

Работилницата ќе биде отворена за сите студенти од 8 семестар и апсолвенти, а ќе се одржи во просториите на Архитектонски факултет - Скопје во периодот од 8 до 11 април 2010 година.

 

Раководител на работилницата ќе биде Мартијн Ј. те Линтело, Велосипедски совет на Холандија, експерт за мобилност, во соработка со асистенти од Архитектонски факултет, Скопје.

 

Пријавувањето е во архивата на архитектонски факултет најдоцна до (среда) 24 март 2010 година или на е-пошта: rabotilnica [мајмунче] velofest.mk

 

На завршниот ден од фестивалот ќе биде отворена изложба на која студентите ќе ги презентираат своите решенија.

 

Препорака: студентите во работилницата да бидат активни учесници во велосипедскиот сообраќај во градот.

Работата во работилницата ќе биде на англиски јазик.

 

Превземи формулар за пријавување на работилницата.

 

. .